Gugusha.com

ვისენტე დელ ბოსკე: ესპანეთის ნაკრებში "ბარსელონას" მოთამაშეების სიმრავლე ნორმალურია

ესპანეთის ნაკრების თავკაცმა ვისენტე დელ ბოსკემ განაცხადა, რომ ეროვნულ გუნდში "ბარსელონას" მოთამაშეების სიმრავლე საერთოდ არ აშფოთებს.

დელ ბოსკეს ამ კითხვით მიანიშნეს, რომ ადრე ის მადრიდის "რეალში" თამაშობდა და მუშაობდა.

"ეროვნულ ნაკრებში "ბარსელონას" მოთამაშეების რაოდენობას სრულიად ნორმალურად მივიჩნევ. როდესაც ფეხბურთელს ვირჩევთ და ნაკრებში ვიწვევთ, მის ამა თუ იმ კლუბისადმი კუთვნილებას ყურადღებას არ ვაქცევთ. მთავარია, რომ ისინი ნაკრებს გამოადგნენ", - განაცხადა დელ ბოსკემ.