Gugusha.com

ჯონ ტერი "ნაპოლისთან" ვერ ითამაშებს

ლონდონის "ჩელსის" კაპიტანი ჯონ ტერი "ნაპოლისთან" ჩემპიონთა ლიგის მერვედფინალურ პირველ შეხვედრაში ვერ ითამაშებს. ამის შესახებ The Guardian იუწყება.

"არისტოკრატთა" მცველი ტრავმირებულ მუხლში ტკივილს გრძნობს.

შეგახსენებთ, რომ ინგლისელმა ტრავმა ინგლისის თასის მე-3 რაუნდში "პორტსმუტთან" მიიღო, რის შემდეგაც მან ოთხი შეხვედრა გამოტოვა. აღსანიშნავია, რომ ამ ოთხ მატჩში "ჩელსიმ" ერთხელაც ვერ მოიგო.

"ნაპოლისა" და "ჩელსის" შორის დაპირისპირება 21 თებერვალს, 23:45 საათზე დაიწყება.