მთავარი »
2012 »
თებერვალი »
2 » არნემის "ვიტესის" ქართველები ჰოლანდიის თასს დაემშვიდობნენ
8:46 PM არნემის "ვიტესის" ქართველები ჰოლანდიის თასს დაემშვიდობნენ |
არნემის "ვიტესმა" ჰოლანდიის თასის მეოთხედფინალში "ჰერენვენს" უმასპინძლა და 1:2 დამარცხდა. არადა, ქართველთა გუნდმა პირველი ტაიმი მოიგო, თუმცა უპირატესობის შენარჩუნება ვერ მოახერხა.
ჩვენი თანამემამულეებიდან მხოლოდ გიორგი ჭანტურიამ ითამაშა, რომელიც ძირითად შემადგენლობაში გაამწესეს და 76-ე წუთზე შეცვალეს. ამ დროისთვის ტაბლოზე უკვე 1:2 ენთო. გურამ კაშია და ვაკო ყაზაიშვილი "ვიტესის" განაცხადშიც არ ყოფილან.
გადავინაცვლოთ ამხანაგურ მატჩებზე, რომლებშიც მონაწილეობა ზამთრის შეკრებაზე მყოფმა ქართველებმა მიიღეს.
რუსულმა "ვოლგამ", სადაც ქართველთაგან მხოლოდ გია გრიგალავაღა დარჩა, ჩეხურ "ლიბერეცთან" ფრედ, 1:1 ითამაშა. ქართველი მცველი სასტარტო თერთმეტეულში იყო და შესვენებაზე შეცვალეს.
კრივოი როგის "კრივბასი" რუმინეთის ნაკრებს გაეჯიბრა და 1:2 წააგო. უჩა ლობჟანიძე და ჯაბა კანკავა "კრივბასის" ძირითადში იყვნენ და ორივემ მხოლოდ პირველი ტაიმი ჩაატარა. სამაგიეროდ, რუმინელებთან გაიმარჯვა მურთაზ დაუშვილმა, რომლის "კარპატიმაც" ბუქარესტის "დინამოს" 2:0 სძლია. ქართველი ნახევარმცველი მოედანზე მეორე ტაიმიდან გამოჩნდა.
გიორგი ფოფხაძის "შტურმი" სლოვენიურ "მარიბორთან" 2:3 დამარცხდა. ავსტრიელთა ქართველმა მცველმა მოედანზე 45 წუთი დაჰყო, იგი თამაშში შესვენების შემდეგ ჩაერთო.
|
|
კატეგორია: სპორტული ინფორმაციები |
ნანახია: 454 |
დაამატა: Acm
| რეიტინგი: 5.0/1 |
