ესპანეთში შეკრებაზე მყოფმა თბილისის "დინამომ", Impact Cup-ის გათამაშებაში მესამე შეხვედრა ჩაატარა.
თბილისელების მეტოქე შვეიცარიული "იანგ ბოიზი" გახლდათ.
მეტად საინტერესო და დაძაბული შეხვედრა "იანგ ბოიზის" გამარჯვებით 3:1 დასრულდა. "დინამოს" შემადგენლობიდან ერთადერთი გოლი ბრაზილიელმა ლეგიონერმა რობერტინიომ გაიტანა.
დინამოელები ეცადნენ ანგარიშის გათანაბრებას და შეხვედრის პენალტების სერიაში გადაყვანას, თუმცა შვეიცარიელებმა კონტრშეტევაზე კიდევ ერთი გოლის გატანა მოახერხეს.
დინამოელთა სასტარტო შემადგენლობა ასე გამოიყურებოდა: ლორია, ოდიკაძე, კვეკვესკირი, ლომიძე (ჰომოლა 27), ჯიღაური, კოშკაძე, მერებაშვილი, კოტო, ჩისკო, პაპავა, გოგუა (რობერტინიო 67).
ალექს გარსია:"თამაშში ჩართვა გაგვიჭირდა და პირველი ტაიმი ძალიან ცუდი იყო. მონდომება არ ჩანდა, ისევ მივიღეთ პენალტი. მეორე ნახევარი შედარებით უკეთესი იყო. გოლებს ჩვენივე შეცდომების შედეგად ვუშვებთ".
რობერტინიო:"ვფიქრობ, მეორე ტაიმი უკეთ ვითამაშეთ. უფრო დიდი ბრძოლისუნარანობა გამოვიჩინეთ და ბურთის კონტროლიც შევძელით.
მოედანზე მეტად მობილიზებულნიც ვიყავით და საგოლე ეპიზოდში ვცადე ჩემი შანსი ხელიდან არ გამეშვა. მატჩის მიწურულს, როდესაც ანგარიში 1-2 გახდა, გაჩნდა თამაშის გადარჩენის შესაძლებლობა, მაგრამ სამწუხაროდ 1:3 დავმარცხდით".
|
