Gugusha.com

ედინსონ კავანი: ტოპკლუბში უკვე ვთამაშობ

"ნაპოლის" თავდამსხმელმა ედინსონ კავანიმ მისით "მანჩესტერ იუნაიტედის" დაინტერესების ფონზე განაცხადა, რომ ნეაპოლურ კლუბში ყველაფერი აკმაყოფილებს.

"ყველას უნდა ტოპკლუბის ნაწილი იყოს, მაგრამ ჩემთვის ასეთი "ნაპოლია". აქ მოთამაშეთა იდეალური ნაკრებია. კმაყოფილი ვარ იმით, რასაც ამ კლუბში ვაკეთებ.

ეს ჩემი კარიერის ერთ-ერთი საუკეთესო პერიოდია და იმედი მაქვს, ამ გზაზე სიარულს გავაგრძელებ", - აღნიშნა 25 წლის ფორვარდმა.